حق دا نعرہ وَجنا حق اے
ظالم اَگے گجنا حق اے
چُپ جے سادھی جابر اَگے
تِیر تینوں وی وَجنا حق اے
یتیماں دا جے پِنڈا ڈھکیا
فیر تیرا وی سجنا حق اے
گیم شو وِچ کاراں ونڈن
دِھی ماڑے دی کجنا حق اے
گوانڈھی جے نہیں بھُکھے سُتے
بندیا تیرا رجنا حق اے
جے توُں ماپے راضی رکھے
سجناں دا وی سجنا حق اے
مار کے بندیا حق کسے دا
جے کریں تُوں حج، ناحق اے
(طارق اقبال حاوی)
Latest posts by Tariq ٰIqbal Haavi (see all)
- رحم خدایا منگاں تیتھوں، جد ہُن بدل ورھدے ویکھاں - 06/09/2022
- پناہ چاہتے ہیں سیلاب سے - 06/09/2022
- خزانے لوٹنے والو۔۔۔ یوں خالی ہاتھ جاؤ گے - 31/08/2022